నవతెలంగాణ-చౌటుప్పల్‌
చౌటుప్పల్‌ మున్సిపల్‌ కేంద్రంలోని బీఆర్‌ఎస్‌ పార్టీ కార్యాలయంలో శనివారం బీఆర్‌ఎస్‌ పార్టీ మున్సిపల్‌, మండల అధ్యక్షులు ముత్యాల ప్రభాకర్‌రెడ్డి, గిరికటి నిరంజన్‌ గౌడ్‌ల ఆధ్వర్యంలో కార్యకర్తల సమావేశం నిర్వహించారు. ఈ సందర్భంగా బీఆర్‌ఎస్‌ పార్టీ కార్మిక విభాగం(బీఆర్‌టీయు) జిల్లా అధ్యక్షునిగా నూతనంగా ఎన్నికైన ఢిల్లీ మాధవరెడ్డిని ఆ పార్టీ నాయకులు, కార్యకర్తలు, ప్రజాప్రతినిధులు పూలమాలలు, శాలువాలతో ఘనంగా సన్మానించారు. అనంతరం మాధవరెడ్డి మాట్లాడుతూ కార్మికులకు నిరంతరం అందుబాటులో ఉండి వారి సమస్యల పరిష్కారం కోసం కృషిచేస్తానన్నారు. తన నియమకానికి సహకరించిన ప్రతి ఒక్కరికి కృతజ్ఞతలు తెలిపారు. ఈ సమావేశంలో మున్సిపల్‌, సింగిల్‌విండో ఛైర్మన్లు వెన్‌రెడ్డి రాజు, చింతల దామోదర్‌రెడ్డి, మార్కెట్‌ మాజీ ఛైర్మన్‌ బొడ్డు శ్రీనివాస్‌రెడ్డి, నాయకులు చిన్నం బాలరాజు, అల్మాసిపేట కృష్ణ, చిట్టెంపల్లి శ్రీనివాస్‌, ఢిల్లీ శంకర్‌రెడ్డి, తొర్పునూరి మల్లేశ్‌గౌడ్‌, బొడిగె ఆనంద్‌గౌడ్‌, బొమ్మిరెడ్డి వెంకట్‌రెడ్డి, పోలోజు శ్రీనివాస్‌చారి, వల్లందాసు సతీశ్‌, లింగస్వామి, రమేశ్‌, మల్లేశ్‌, వెంకటేశ్‌ పాల్గొన్నారు.
