- బీర్ల అయిలయ్య
నవతెలంగాణ -యాదగిరి గుట్ట
యాదగిరి గుట్ట పట్టణ అబివృద్ది కాంగ్రెస్‌ తోనే సాద్యమవుతుందని పిసిసి ప్రదాన కార్యదర్శి ఆలేర్‌ ఇంచార్జ్‌ బీర్ల ఐలయ్య అన్నారు. పట్టణంలో హాత్‌ సే హాత్‌ జోడోయాత్ర మంగళవారం కొనసాగింది ఈ యాత్ర లో ప్రతి ఒక కుటుంబాన్ని కలుస్తూ సమస్యలను తెలుసుకుం టున్నారు.బీర్ల అయిలయ్య ఆలేరు నియోజకవర్గ ప్రజలకు చేస్తున్న సేవ కార్యక్రమలను వివరిస్తున్నారు.ఈ సందర్భంగా అయిలయ్య మాట్లాడుతూ.కొండపైన ఉద్యోగాలల్లో స్థానిక నిరుద్యోగులకే ఉద్యోగ అవకాశాలు కల్పిస్తామన్నారు.పట్టణ బస్టాండు యధావిధిగా కొనసాగిస్తామని. అన్ని ప్రాంతాల బస్సులను ఇక్కడే ఆపుతామన్నారు.కొండపైకి ఆటోలను అనుమతిస్తామని ,ఆటో కార్మికుల కుటుంబాలను ఆదుకుంటామని తెలిపారు.ఆనాలోచితంగా పట్టణంలో నిర్మాణం చేసిన బ్రిడ్జిలు తొలగిస్తామని,కొండపైన, కొండికింద షాపులను పునరుద్ధరిస్తామని హామీ ఇచ్చారు.పట్టణానికి పూర్వ వైభవమ్‌ రావాలి అంటే కాంగ్రెస్‌ పార్టీ తోనే సాధ్యమని అన్నారు.అభివృద్దిలో నష్టపోయిన వారికి ఇంటి స్థలాలు, షాపులు ఇచ్చి అన్ని రకాలుగా ఆదుకుంటామని పట్టణంలో ఇండోర్‌,అవుట్‌ డోర్‌ స్టేడియాన్ని అన్ని సౌకర్యాలతో నిర్మాణం చేస్తామని తెలిపారు.పట్టణంలో ప్రభుత్వ డిగ్రీ కళాశాలను ఏర్పాటు చేస్తామని హామీ ఇచ్చారు.12 వార్డుల్లో నూతన డ్రెయినేజీలు, రోడ్లు నిర్మాణం చేసి పట్టణాన్ని అన్ని విధాలుగా అభివృద్ధి చేస్తామన్నారు. ఈ సారి కాంగ్రెస్‌ పార్టీ కి ఓటు వేసి అధికారమందిస్తే సబ్బండ వర్గాలను అన్ని రకాలుగా ఆదుకుంటామని బీర్ల అయిలయ్య వివరించారు. ఈ కార్యక్రమం లో బ్లాక్‌ కాంగ్రెస్‌ అద్యక్షుడు మదుసూదన్‌ రెడ్డి ఎంపిపి చీర శ్రీశైలం,మహిళవిబాగం రాష్ట నాయకులు నిలం పద్మ, పట్టణ అద్యక్షుడు బందారపు బిక్షపతి , కౌన్సిలర్‌ ముఖ్యర్ల మల్లేష్‌ యాదవ్‌ నాయకులు మొరుగు శ్రీరాములు,ఆకుల గణేశ్‌, గుడ్ల నరేష్‌, గుండ్లపల్లి ముత్యాలు తదితరులు పాల్గొన్నారు.
