- కలెక్టర్‌ ఎస్‌.వెంకట్రావు
నవతెలంగాణ -సూర్యాపేట కలెక్టరేట్‌
రైతుల సౌకర్యార్థం జిల్లా స్థాయిలో కంట్రోల్‌ రూమ్‌ ఏర్పాటు చేసినట్టు కలెక్టర్‌ ఎస్‌. వెంకట్రావు తెలిపారు. గురువారం కలెక్టరేట్‌లో సమావేశ మందిరం పక్కన కంట్రోల్‌ రూమ్‌ ను ఆయన ప్రారంభించారు.ఈ సందర్భంగా కలెక్టర్‌ మాట్లాడుతూ కొనుగోలు కేంద్రాలకు ధాన్యం తీసుకువచ్చే రైతులకు కేంద్రాలలో ఎలాంటి సమస్యలు, సందేహాలు, ఇబ్బందులు ఎదురైనా సలహాల కొరకు కలెక్టరేట్‌ లో ఏర్పాటు చేసిన కంట్రోల్‌ రూమ్‌ నెంబర్‌ 6281492368 కాల్‌ చేసి సంప్రదించవచ్చని తెలిపారు. కంట్రోల్‌ రూమ్‌ నందు అధికారులు ఎల్లప్పుడూ సిద్ధంగా ఉంటారన్నారు.ఈ కార్యక్రమంలో జిల్లా అదనపు కలెక్టర్‌ రెవెన్యూ ఎస్‌ మోహన్‌ రావు, డియం సివిల్‌ సప్లై రాంపతి సిబ్బంది పాల్గొన్నారు.
మీ స్నేహితులకు రికమెండ్ చెయ్యండి
