నవతెలంగాణ కోదాడరూరల్‌
టీఎన్జీవో సెంట్రల్‌ యూనియన్‌ రాష్ట్ర కార్యవర్గ సభ్యులుగా పోటు వెంకటేశ్వరరావు ఎన్నిక కావడం అభినందనీయమని మంగళవారం టీఎన్జీవోస్‌ నాయకులు పలువురు ఆయనకు శుభాకాంక్షలు తెలియజేశారు.ఈ సందర్భంగా పట్టణంలోని టీఎన్జీవోస్‌ యూనియన్‌ భవనంలో టీఎన్జీవో సెంట్రల్‌ యూనియన్‌ రాష్ట్ర కార్యవర్గ సభ్యుడిగా పోటు వెంకటేశ్వరరావు ఎన్నికైనందుకు అభినందన సభ ఏర్పాటు చేసి మాట్లాడారు. ఈకార్యక్రమంలో జిల్లా టీఎన్జీవోయూనియన్‌ అధ్యక్షులు ఎస్‌కె.జానిమియా, కార్యదర్శి దున్నశ్యామ్‌, సూర్యాపేట అర్బన్‌ యూనిట్‌ కార్యదర్శి రమేష్‌, నేరెడుచర్ల యూనిట్‌ అధ్యక్షులు ఎం.సైదులు, కోదాడ కార్యవర్గ యూనిట్‌ అధ్యక్షులు చిరంజీవి, కార్యదర్శి సిహెచ్‌ పద్మ, కోశాధికారి చట్టు రాధిక, నాన్‌గెజిటెడ్‌ వెటర్నేరియన్స్‌ సభ్యులు పాల్గొన్నారు.