నవతెలంగాణ-తుంగతుర్తి
పోటీ పరీక్షలకు సన్నద్ధమయ్యే అభ్యర్థులు గ్రంథాలయాలను సద్వినియోగం చేసుకోవాలని గ్రంథాలయచైర్మెన్‌ గోపగాని రమేష్‌గౌడ్‌ అన్నారు.మంగళవారం మండలకేంద్రంలోని గ్రంథాలయంలో జిల్లా గ్రంథాలయ సంస్థ నుండి వచ్చిన గ్రూప్‌-1,2,3,4 మరియు గురుకుల టీచర్స్‌ కు సంబంధించిన పుస్తకాలను ఆవిష్కరించి మాట్లాడారు. వివిధ ఉద్యోగాల నోటిఫికేషన్లు పోటీ పరీక్షలకు తర్ఫీదు తీసుకునే విద్యార్థులకు ఈ పుస్తకాలు చాలా ఉపయోగపడతాయని తెలిపారు.గ్రంథాలయానికి స్టడీ మెటీరియల్స్‌ అందించేందుకు కృషి చేసిన జిల్లా గ్రంథాలయ సంస్థ చైర్మెన్‌ నిమ్మల శ్రీనివాస్‌గౌడ్‌కు కృతజ్ఞతలు తెలిపారు. ఈ కార్యక్రమంలో గ్రంథ పాలకులు ఎంవీ.రంగారావు, గ్రంథాలయ సేవకులు పులిపంపుల సోమయ్యగౌడ్‌, గ్రంథాలయ డైరెక్టర్లు వహీద్‌, అఖిల్‌, శ్యాంసుందర్‌, ఎల్లయ్య, వెంకటేష్‌, గోపగాని వెంకన్నగౌడ్‌, గౌస్‌పాషా తదితరులు పాల్గొన్నారు.
