- వైస్‌ఎంపీపీ మట్టపల్లి శ్రీశైలంయాదవ్‌
నవతెలంగాణ-తుంగతుర్తి
కంటి వెలుగు కార్యక్రమం పేదల జీవితాల్లో వెలుగులు నింపుతుందని వైస్‌ఎంపీపీ మట్టపల్లి శ్రీశైలంయాదవ్‌ అన్నారు.మంగళవారం మండల పరిధిలోని మంచ్యతండా గ్రామపంచాయతీలో ఎమ్మెల్యే డాక్టర్‌ గాదరి కిషోర్‌కుమార్‌ ఆదేశానుసారం రెండోవిడత కంటి వెలుగు కార్యక్రమాన్ని ప్రారంభించి మాట్లాడారు.ఈ మేరకు అంధత్వరహిత తెలంగాణ నిర్మాణమే లక్ష్యంగా సీఎం కేసీఆర్‌ కంటి వెలుగు కార్యక్రమాన్ని చేపట్టా రన్నారు.పెద్దఆస్పత్రులకు వెళ్లి కంటిపరీక్షలు చేయించుకోలేని నిరుపేదలకు ఈ కార్యక్రమం ఎంతో ఉపయోగకరంగా ఉంటుందన్నారు.ప్రజలు కంటిపరీక్షలను నిర్లక్ష్యం చేయకుండా సరైన చికిత్సలు చేయించుకొని మందులు,అద్దాలు పొంది కంటి సమస్యలను దూరం చేసుకోవాలన్నారు.ఈ కార్యక్రమంలో ఉమ్మడినల్లగొండ జిల్లా డీసీసీబీ డైరెక్టర్‌ గుడిపాటి సైదులు,మండలఅధ్యక్షులు తాటికొండసీతయ్య,స్థానిక సర్పంచ్‌ శారదామాన్‌సింగ్‌, హెల్త్‌అసిస్టెంట్లు గాజుల సోమయ్య, చారి, ఏఎన్‌ఎం భారతి పాల్గొన్నారు.
