- ఆటోలో మర్చిపోయిన రూ. లక్ష అందజేత
నవతెలంగాణ-నల్లగొండ
ఆటోలో ప్రయాణికులు మర్చిపోయిన లక్ష రూపాయల నగదును ఆటో డ్రైవర్‌ కృష్ణ తన మానవత్వంతో గంటల వ్యవధిలో ప్రయాణికులకు అందజేసిన సంఘటన బుధవారం నల్లగొండలో జరిగింది. దీంతో టూ టౌన్‌ ఎస్‌ఐ సంపత్‌, గాంధీ గ్లోబల్‌ ట్రస్ట్‌ రాష్ట్ర నిర్వాహకులు యానాల ప్రభాకర్‌రెడ్డి ఆటో యజమానిని అభినందించి శాలువాలతో సత్కరించారు. ఈ సందర్భంగా వారు మాట్లాడుతూ నల్గొండ పట్టణంలోని వివేకానంద నగర్‌లో ఆటో ఎక్కిన ప్రయాణికులు లక్ష రూపాయల సంచిని ఆటోలో మర్చిపోగా ఆటో డ్రైవర్‌ వాటిని గమనించి సురక్షితంగా ఉంచడమే కాకుండా గంటల వ్యవధిలోనే బాధితులకు అందజేశారణి చెప్పారు. నిజాయితీ చాటుకున్న ఆటో డ్రైవర్‌ ఆదర్శప్రాయడున్నారు. ఇలాంటి వ్యక్తులు సమాజానికి అవసరం అన్నారు. బాధిత కుటుంబ సభ్యులు మాట్లాడుతూ ఆటో డ్రైవర్‌ నిజాయితీ ముచ్చటేసిందని చెప్పారు. డబ్బులు పోయాయనే ఆందోళన లో ఉన్న తమకు గంటల వ్యవధిలో డబ్బులు అందజేసి ఆటో డ్రైవర్‌ ఆశ్చర్యానికి గురి చేశారని అభినందన వ్యక్తం చేశారు. అనంతరం ఆటో డ్రైవర్‌ కృష్ణను సన్మానించి అభినందనలు తెలిపారు. ఈ కార్యక్రమంలో ట్రస్మా సభ్యులు జివి.రావు, తిరుమల్‌ రెడ్డి, పాముల అశోక్‌ , ప్రదీప్‌, హరిదీప్‌రెడ్డి, శ్యాంసుందర్‌రెడ్డి, శివ నాగరాజు, నాగాంజలి తదితరులు పాల్గొన్నారు.
