- చిట్యాల కృష్ణారెడ్డి వర్థంతి సభలో జూలకంటి
నవతెలంగాణ-మిర్యాలగూడ
         ఎర్రజెండా మరింత ఎరుపెక్కే విధంగా అమరవీరుల ఆశయ సాధనకు కృషి చేయాలని మాజీ ఎమ్మెల్యే జూలకంటి రంగారెడ్డి అన్నారు. మిర్యాలగూడ మండలం రుద్రారం గ్రామంలో శనివారం చిట్యాల కృష్ణారెడ్డి 15వ వర్థంతి సభ నిర్వహించారు. ఈ సందర్భంగా జూలకంటి ఆయన చిత్రపటానికి పూలమాలలు వేసి నివాళులర్పించి మాట్లాడారు. ఎర్రజెండా మరింత ఎరుపేక్కే విధంగా ప్రజా పోరాటాలు నిర్వహించి అమరుల ఆశయ సాధన కోసం ముందుకు సాగాలని సీపీఐ(ఎం) కార్యకర్తలకు పిలుపునిచ్చారు. పాలక ప్రభుత్వాలు అవలంబిస్తున్న ప్రజా వ్యతిరేక విధానాలను ఎప్పటికప్పుడు ప్రజల్లోకి తీసుకెళ్లే ప్రజా ఉద్యమాలు నిర్వహించాలని కోరారు. చిట్యాల కృష్ణారెడ్డి ఈ ప్రాంతంలో ఎర్రజెండా నిర్మాణం చేయడం కోసం అహర్నిశలు కృషి చేశారన్నారు. అంతకుముందు రుద్రారం లక్ష్మీపురం గ్రామాలలో ఊరేగింపు చేశారు. ఈ సందర్భంగా సీపీఐ(ఎం) రాష్ట్ర కమిటీ సభ్యులు డబ్బికార్‌ మల్లేష్‌, రైతు సంఘం జిల్లా అధ్యక్షులు వీరేపల్లి వెంకటేశ్వర్లు, మండల కార్యదర్శి మూడవత్‌ రవి నాయక్‌, నూకల జగదీష్‌ చంద్ర, డాక్టర్‌ మల్లు గౌతమ్‌రెడ్డి, రాగిరెడ్డి మంగారెడ్డి, మట్టపల్లి వెంకటేశ్వర్లు, పొదిలి శీను, గోవింద్‌రెడ్డి, వెంకటయ్య, లతీఫ్‌, బాబు నాయక్‌ తదితరులు పాల్గొన్నారు.