- నాగార్జున ఉన్నత పాఠశాల కరస్పాండెంట్‌ ఎం.వెంకట్‌గౌడ్‌
నవతెలంగాణ-నూతనకల్‌
           ఇంటర్‌ ఫస్టియర్‌ ఫలితాల్లో తమ స్కూల్‌ విద్యార్థులు రాష్ట్రస్థాయి ర్యాంకులు సాధించడం అభినందనీయమని ఆ పాఠశాల కరస్పాండెంట్‌ మారగాని వెంకట్‌గౌడ్‌ అన్నారు.మంగళవారం మండలకేంద్రంలోని నాగార్జున ఉన్నత పాఠశాలలో గతేడాది పదో తరగతి చదివిన పూర్వ విద్యార్థులు ఇంటర్‌ ప్రథమ సంవత్సరం వివిధ కాలేజీలలో విచ్చనభ్యసించి రాష్ట్ర సాయి ర్యాంకులు సాధించిన విద్యార్థులను ప్రత్యేకంగా సన్మానించారు.అనంతరం వారు మాట్లాడుతూ రాబోయే పరీక్షల్లో కూడా అత్యుత్తమ ర్యాంకులు సాధించి జీవితంలో ఉన్నత శిఖరాలను అధిరోహించాలన్నారు.ఇంటర్‌ ఫస్టియర్‌లో 470 మార్కులకుగాను ఆకుల వైష్ణవి 465,ఆకుల మధుశ్రీ,464, చామకూరి దీక్షిత 464, కొలిచెల్మ సాయి సిద్ధార్థ463, దరిపెల్లి ఇందుమతి461, ఇంటర్‌ ద్వితీయ సంవత్సరంలో 1000 మార్కులకుగాను పులుసు ఉదయశ్రీ 984 మార్కులు సాధించి రాష్ట్రస్థాయి ర్యాంకులు సాధించారన్నారు.ఈ కార్యక్రమంలో హెచ్‌ఎం మారగానివిజయలక్ష్మి, ఉపాధ్యాయులు గుర్రం యాదగిరిగౌడ్‌,రమేష్‌, సందీప్‌, యశ్వంత్‌, సాయి రాం, వీర న్న, రాజేశ్వరి, శ్రీలత, మా ధవి, ప్రియాంక పాల్గొన్నారు.