నీ అడుగులో అడుగునై
భావ రహితంగా నడుస్తూ
నేనూ.. నీలో సగం భాగమేనని
అంతర్మథనంలో అలిసిపోతూ
ఎన్ని యుగాలు దాటేసానో
సృష్టికి తోడు వచ్చే సూర్య చంద్రుల్లా
సమాంతరంగా కాలాన్ని నడిపించే
సహజీవనం మనమని నీ నీడను
వెన్నంటి నడిచాను
నేస్తమా...
ఈ జీవన పోరాటంలో
అగ్ని శిఖల నడుమ పయనించావేమో
నీ చూపు రాత్రిని సైతం కాల్చేస్తుంటే
వెన్నెల్లాంటి నా మది విన్నపమిది
"నాహృదయాంతరాలలో శీతల ఆవాసమొకటి నిర్మించా
నీఎదలోతుల లోకు వెళ్లి చూడు ఆరని చితాగ్ని కనిపిస్తుంది"
అప్పుడు ..
.నా గుండె చప్పుడు నీ లో వినిపిస్తుంది.
----శ్రీమతి వి. పద్మ కుమారి
మీ స్నేహితులకు రికమెండ్ చెయ్యండి
