పలకే జైలు గోడ
బొగ్గు ముక్కే అగ్గిరవ్వ
రుద్రవీణలు లిఖించి
 పలికిన తెలంగాణ
నవ వైణికుడు
 దాశరథి!
 కొత్తపుంత తొక్కించిన
 వైతాళికుడు
ధిక్కార స్వరంలో ధూర్జటిలా
రాజును లోకానికి బూజులా
నిర్భీతిగా దులిపిన
అభ్యుదయ పథగామి దాశరథి!
శాస్త్ర, సాంకేతిక, సామాజిక పరిణామక్రమాన్ని
విశ్వరహస్యాలను
నేటికీ సాగే కులదురహంకార అకృత్యాలను
గాయపడిన హృదయంగా
 గేయమయం చేసిన వాడు
 రాయబడని కావ్యాలుగా
కోటి రతనాను వీణమీటిన వాడు
 యాత్రస్మృతి అందించినవాడు
ఆధునిక దాశరథి శతకంలో
బడుగుల ఆకలి కేక వినిపించిన వాడు
బలిసిన డబ్బున్నవాళ్ళ కొట్టుకుచచ్చే జబ్బును
విదితంచేసిన వాడు దాశరథి!
 ముందు తరాలకు
రాజ్యానికి వ్యతిరేకంగా
నినదించవలసిన ఆవశ్యకతను
 గుర్తుచేసిన వాడు
కలాలు గర్జించే గళాలై
అనధికార శాసనకర్తలు కావాలని
 దారిచూపిన వాడు దాశరథి!

        -కపిల రాంకుమార్                                                                                       ఖమ్మం