చిన్న ఊరైన చిన్న గూడూరు నుండి

మట్టిలో మాణిక్యంలా మిలమిలా మెరిసిన

మధుర కవీ - దాశరథీ కృష్ణమాచార్యా !

ధన్యమైనది మా జన్మ మీ కవితావనంలో

కుసుమాలమైనందుకు అక్షరాన్ని ఆయుధంగా

మలచుకొని అణచివేత చీకట్లకు పాతరవేస్తూ

స్వేఛ్చా కిరణాలకు ప్రాణం పోసిన మహాకవీ - ఓ మా దాశరథీ !

పద్యాలతో, గేయాలతో, గజల్స్ తో తెలంగాణ గుండె చప్పుడు

నైజాంకు వినిపించి అరుణారుణ పతాకం

ఎగురవేసి విప్లవ సాహిత్యాన్ని వీధి వీధినా వికసింపచేసిన

విప్లవ వీరుడా - ఓ మా దాశరథీ !

పేదరికంలోను, ఆకలిమంటలలోను

ఆత్మస్థైర్యాన్ని కోల్పోని అమరవీరుడా

నా పేరు ప్రజా కోటి - నా ఉరు ప్రజా వాటి అంటూ

తెలంగాణ ప్రజల శ్రేయస్సే లక్ష్యంగా

నా తెలంగాణ కోటి రతనాల వీణ

అని తెలంగాణపై ఉన్న మక్కువను

ప్రపంచానికి చాటిచెప్పి నల్లటి ఆకాశాన్ని చీల్చుకువచ్చిన

సూరీడా కళాప్రపూర్ణా - ఓ మా దాశరథీ !

మా నిజాం రాజు - జన్మ జన్మాల బూజు అంటూ

నియంతృత్వపు కోటగోడలను

కూకటి వేళ్ళతో పెకిలించి రజాకార్ల రాళ్ళను పువ్వులుగా

స్వీకరించి తెలంగాణకు సాహితీసంపదనందించి

తెలంగాణ కవితాపితామహునిగా

తిమిరంపై సమరం చేసిన

నవకవితాజలధీ - ఓ మా దాశరథీ !!

 -కాళంగి.వసంత జెస్సన్
   ఖమ్మం
చరవాణి:9490967433