సాహితీ వనంలో వికసించిన కుసుమ రాజమా!           

సౌరభాలు వెదజల్లే సహస్ర కిరణమా !                               

సంగీత సాహిత్య సమలంకృతా !                                    

యువకవుల హృదయాలయాల నిలయమా !                      

వీథిబడి నుండి జ్ఞానపీఠమెక్కిన                                      

తొలి తెలంగాణ సమున్నత సాహితీ శిఖరమా                   

సరిలేరు  మీ కెవ్వరూ మా సినారే                                      

శృతి నీవు , గతి నీవు , శరణాగతి నీవు కవితావనికే               

మరణం పైన రణం ప్రకటించి                                          

మరణానికి జోలపాడే మీ కవిత్వం                                      

సినారె కలం నుండి జాలువారిన కవితలు                          

పాటలు , మాటలు , నాటికలు , గజల్స్ , ఒకటేమిటి              

ఒక్కొక్క సిరాచుక్క సహస్ర కవులై స్పందించవా                  

కలం కదలనిదే కాలం కదలదని                                      

ఊపిరాడలేదంటే కవితరాయలేదని                                

తెలిసేలోపు మూసుకుపోయె కవిత్వపు తలుపులు                         

వాడిపోయి పండిపోయి రాలిపోయె                                

అనుబంధం , ఆత్మీయత అంతా ఒక బూటకం అని          

కవితాలోకాన్ని శోకసంద్రంలో ముంచివేసినారా                    

ఏవీ ఆ కర్పూర వసంతాల గుభాళింపులు                  

ఏవీ ఆ సుమధురగానాల మందాకినీ ప్రవాహాలు                 

మూగబోయె మీ మృధుమధుర స్వరాలు                           

అజరామరం మీ మరణం                                               

మీకిదే మా అక్షర సంస్మరణం !!

   - కాళంగి.వసంత జెస్సన్
    5-1-292,యస్.పి.ఆఫీస్ రోడ్,
    ఖమ్మం,తెలంగాణ
    చరవాణి:9490967433
    మెయిల్: vasantha.kalangi@gmail.com