--అయిత అనిత
8985348424
అద్వైతసిద్ధికి అమరత్వలబ్దికి
గానమే సోపానమంటివి కదా!
మరెలా నిను దరిచేరెను ఆ మరణమయ్యా..?
మాటేరాని చిన్నదానితో
పెదాలలో రాగాలను పల్లవింపజేసితివి కదా!
మరి నీ మాటకు ఈ మౌనమేళనయ్యా..?
నేనుసైతం విశ్వముక్తి వెర్రిగొంతుక ఇచ్చిమ్రోశానంటివి
ఆ గొంతుక ఇప్పుడే
స్వర్గానికి ఏల పయనమాయెనయ్యా..?
శంకరా నాదశరీరాపరా వేదవిహారా హరా అంటూ
గానమేనీదని ప్రాణమేనీవని
ఆ నీలకంఠుని సేవకై స్వర్గపురికి ఏగితివా?
ఎలా నమ్మేది?
నువ్విక లేవంటే..నీ పాటిక వినరాదంటే
ఎలా నమ్మేది?
చెట్టు పుట్ట..గాలి నీరు..నేల నింగి
ఎటు చూసినా
నీ రూపమే..ఏ సడి విన్నా నీ స్వరమే
పాటగా నువ్వు అమరుడవయ్యా!
మీ స్నేహితులకు రికమెండ్ చెయ్యండి
