కష్టం వచ్చిన
కన్నీరు కారిన
కలతలు నిండిన
ఎవరు ఎన్ని కుట్రలు పన్నినా..!!
కుతంత్రాలతో
కూల దోయాలనుకునా..!!
నిబ్బరంగా..
నిలిచిన వాడే గొప్పోడు..!!

భయపడని వ్యక్తిగా..
బరువుమోసే శక్తిగా..
నిలబడిన వాడే..!!
నిజమైన మనిషి..

వసంతం వచ్చిన..
రాక పోయినా
మొఖంపై నవ్వులు ..
విరబూస్తుండాలి..!!

నిత్యం కొత్తగా మొలకెత్తాలి..
కొత్త చైతన్యాని ఆవిష్కరించాలి..
మానసికంగా విరబూయాలి..
ప్రత్యక్షంగా సమస్యలను..
ఎదుర్కోవాలి..!!
గుండెధైర్యమే అన్ని
సమస్యలకు బలం..!!

శత్రువులను మిత్రులుగా..
చేసుకొనే ఓర్పుఉంటే..
నీకు నీవే గెలుపు..
అజాత శత్రువువే..!!

తమ జీవితపు అడుగులో..
ఎప్పటికప్పుడు..
కొత్త నడవడిక..
భయానికి భయంగా..!!
ముందుకు నడుస్తాడు..!!

కొత్త ఆలోచనలకు ..
బాటలు వేస్తూ..
విశ్వాసంతో నిండైన
దృఢ సంకల్పంతో..
దూసుకు పోతాడు..!!
అతడే నిజమైన వెలుగు..

ఎత్తు పల్లాలు ఎదురైన..
రాళ్ళుమూళ్లు అడ్డొచ్చిన..!!
ఆలోచనలతో ..
అడుగులు వేస్తాడు..!!
మనో ధైర్యంతో ముందుకు నడుస్తాడు!!

చీకటి తోవను చీల్చుకొని..
వెలుగులోకి వస్తాడు..!!
నిశ్శబ్దాన్నిదాటి ..
శబ్దంలోకి నడుస్తాడు..!!
తనలోని కొలువైన శక్తుల్ని
గుర్తుచేసుకొని..
కార్తవ్యంతో నడుస్తాడు..!!

సాగాలి అనుకున్న గమ్యంవైపు..
నిలువాలి గమనం చూస్తూ..
నీ వనుకున్నది ఎదురొస్తోంది..!!
నీ ముందు తలవంచి నిలుస్తోంది..!!
నీ విజయం నిన్ను వరిస్తోంది..!!

అంబటి నారాయణ
నిర్మల్
9849326801