నడక అంటే..ఏదోకాదు
అదొక అడుగు..!!
అదొక ఊతం ..ఊపిరి..!!
ఉనికిని నిలబెట్టేది
ముందుకు నడిపించేది...
నడక ఓ ఔన్నత్యం..
ఓ పురో గమనం..!!
రేపటి భవిష్యత్తు అడుగు
నడక ఓ చైతన్యం
జీవనాడులకు శ్వాస...
నడకతోనే మొదలు జీవితం..
బతుకుకు పునాది నడక..
నడకతోనే ముడి పడింది వ్యక్తిత్వం...!!
నడకనే ఉన్నతికి తొలిమెట్టు..!!
నడకతోనే మన నడవడిక...
నడక ఓ ప్రభంజన దారి..!!
ఎందరో నడకతోనే
అనుకున్నది సాధించారు..!!
నడకతోనే మార్పు..
ఏది మొదలుపెట్టాలన్న
ఒక్కఅడుగుతొనే..!!
నడకనే ప్రతి ఒక్కరికి ఎరుక
నిశ్శబ్దాన్ని ఛేదించేది నడకనే
అడుగుతోనే..
ముడిపడింది సమాజం..!!
అడుగుతోనే
మొదలవుతుంది ప్రపంచం..!!
నడక ఓ చూపు..నడక ఓ తోపు..!!
నడక మనిషికి ఓ ప్రేరణ
నడకతోనే నేర్పు ఓర్పు
నడకనే ఎన్నెన్నో
ఉద్యమాలకు దారి..!!
నడకనే గెలుపు ఓటమి...
నడకనే అడ్డును తొలిగిస్తోంది..!!
మంచు పోరలను కరిగిస్తోంది..!!
మానవత్వాన్ని నిలుపుతోంది..!!
నడక ఆత్మస్తైర్యాన్నిస్తోంది..!!
నడక ఆత్మఅభిమానాన్ని పెంచుతోంది..!!
నూతన తేజం వెలిగిస్తోంది..!!
అన్నీట్లో అనురక్తి కలిగిస్తోంది..!!
నడక అనుకున్న ఓ ప్రతినిధి
ఓ అనుభవానికి దారి...
నడక ఓ గమనం...
నడక జీవితానికి పరమార్థం..
నడక ఓ దార్శిని కత కావాలి..
విధానాన్ని మార్చేది నడక
విలువల్ని పెంచేది నడక
నడక చాటునే సమస్తం దాగివుంది..!!
అన్నివైపులకు చూపు నడక...!!
నడకతోనే నడత...ఓ మానవత..!!
నడకతోనే..తెగింపు..
ఆ నడకనే చివరికి ముగింపు..!!
అంబటి నారాయణ
నిర్మల్
9849326801
30-9-2020
