-- శశికళ.బి
సీ.ప
వేరు పురుగు చేరి వృక్షంబు చెరచును
మాయదారి కరోన మనలముంచె
పొట్ట చేతనుపట్టి పరదేశమున వెళ్తే
అంటుకుని కరోన వెంట వచ్చె
కోవిడ్డు నైంటీను కొండంత బాధయ్యె
దేశాల దారులు మూసివేసె
రాష్ట్రాల మధ్యనూ రాకపోకలు లేవు
జిల్లాల నుండైన వెళ్ళరాదు!
ఆ.వె
పగలు రాత్రియనక ప్రాణాలకు తెగించి
పారిశుద్ధ్య ప్రజలు పరిశ్రమించె
అద్భుతముగ పనులు ఆరోగ్య సిబ్బంది
చేయు త్యాగ నిరతి చెప్పలేము !
మీ స్నేహితులకు రికమెండ్ చెయ్యండి
