- కోడిగూటి తిరుపతి
9573929493

శాంతి దూత ...
జాతి ప్రభాత ...
విశ్వ విఖ్యాత ...
అతడే ...
మోహన్ దాస్ కరంచంద్ గాంధీ

పసి పెదాలపై విరిసే విరజాజి
లేత వదనాలపై మెరిసే అపరంజి
అతడే ... నవ్వుల తాత బాపూజీ

అహింసా మార్గం నడిచాడు
సత్యాగ్రహం అస్త్రంగా మలిచాడు
అలుపెరుగని సమరం సాగించాడు
బ్రిటీష్ సామ్రాజ్యం కుప్పకూల్చాడు
స్వేచ్ఛా స్వాతంత్య్రం ప్రసాదించాడు

కరంచందుడు !
సత్య శోధితుడు ...
నిత్య స్వాప్నికుడు
సద్గుణ సంపన్నుడు
సంకల్ప దీక్షాదక్షుడు
సధర్మ సత్పురుషుడు
సర్వవేళ విశిష్టితుడు

ఆ రూపు ప్రసన్న సధనం
ఆ చూపు ప్రభాత కిరణం
ఆ హాసం ప్రకాశ కుసుమం
ఆ పలుకు ప్రబోధ మంత్రం

ఆ మహనీయుడు ...
నడయాడిన "నేల" పునీతం
ఆ నామం జపించిన "జన్మ" ధన్యం

ఆ దివ్య తేజోన్ముఖుని
ఆశయ బాటన ఐక్యమై సాగుదాం
దేశ కీర్తి పతాక విశ్వాగ్రాన ఎగరేద్దాం