- శశికళ.బి
వారాల నగలను వరహాల నగలు
కోరి తెప్పించిరీ కొలిచె శ్రీలక్ష్మి
కెంపులా హారాలు కొలది వజ్రాలు
సొంపు పాపిడి బిళ్ళ సోకు గజ్జెలును
కంఠ హారమ్ములు కంకణం వంకి
కంటికే ఇంపైన కడియాలు నత్తు
పాటలీ బందూక పారిజాతాలు
తోటలో మల్లెలు తుమ్మ రుద్రాక్ష
కల్హారు కనగాల కందోత్పలాలు
కల్పనా పద్మాలు కాగడా మల్లి
ముత్యాల హారాలు ముక్కు ముక్కెరలు
రత్నాల గొలుసులు రవ్వ గాజులును
బంగారు వడ్డాణ బహు పచ్చ గొలుసు
ఉంగరం వజ్రాల వొంకి పగడము
మీ స్నేహితులకు రికమెండ్ చెయ్యండి
