-- యెనుగందుల శంకర్
ఇందల్వాయి,నిజామాబాద్
9440747614

తెలంగాణ ఆత్మగౌరవ కలం కాళోజీ
రాజకీయ సాంఘిక చైతన్యాల సమాహారం
ఓ దిక్కార స్వరం, జన చేతన బలం
అన్యాయాన్ని 'నా గొడవ' కు సంతృప్తి యని
ఓ నిరంతర చైతన్యశీలి!!

పుట్టుక నీది చావు నీది బతుకంతా దేశానిదని
రంగారావు రమాబాయమ్మ  పుత్ర కలం
రుక్మిణిబాయిని మనువాడి మడికొండలో నుండి
న్యాయవాదివై అన్యాయాన్ని ఎదిరించిన నీ సూటిదనం!!
ఓ పద్మవిభూషణా!!

రజాకార్ల ఘాతుకాలను ప్రతిఘటించిన రఘువీరా
'మన కొంపలార్చిన మన స్త్రీలను చెరిచిన వారి పై
కసి ఆరిపోకుండా బుసకొట్టుచుండాలే' యని
సాగి పోవుటే బ్రతుకు ఆగిపోవుట చావన్న ప్రజాకవి!!
ఓ ప్రజావాది!!

నైజామ్ వ్యతిరేక పోరాటంలో...
''దొరల దెబ్బలు తినుచు గురువు సాపెను వినుచు
బాంచెనయ్యా యనుచు ప్రణమిల్లు ప్రాణాలు'' యని
ఆశా నిరాశల వ్యత్యాసం తెలిపిన ప్రజల మనిషి!!
ఓ ఉద్యమకర్తా!!

తెలంగాణ ఉద్యమంలో నీరచనే బల్లెంలై
నీ పుట్టుక, '' తెలంగాణ భాషా దినోత్సవం''
నీ నడక హెల్త్ యూనివర్సిటీ
కాలంబు రాగానే కాటేసి తీరాలే యని
కసి తీరా రాసావు కాళన్న !!
నీకు జోహార్, జోహార్....