అమ్మలకు  అమ్మ  దుర్గమ్మ
బతుకు నిచ్చే  బతుకమ్మ  దుర్గమ్మ
త్రిలోక  పాలిని  దుర్గమ్మ
త్రికాల  జ్ఞానీ  బతుకమ్మ
అందరికి  అమ్మ  దుర్గమ్మ !
ఇంద్రకీలాద్రి పై  కనకదుర్గగా
తెలంగాణాలో  బతుకమ్మవై
గ్రామ గ్రామాన గ్రామదేవతవై
పూజలందుకునే  మాయమ్మ బతుకమ్మ !
కోరిన  కోర్కెలు  తీర్చే  కామాక్షి వై
ముతైదువత్వాన్ని  ప్రసాదించే  మీనాక్షివై
దుష్టులను  శిక్షించే  కాళికవై
శిష్టులను  రక్షించే  శాకంబరివై
చదువుల  నొసగే  సరస్వతి వై
విజయాల నొసగే  విజయలక్ష్మి వై
నరకసంహారం  గావించిన  సత్యభామ వై
మహిషాసుర  మర్దన  గావించిన  మహిమాన్విత వై
సర్వలోక  సంరక్షిణి వై
ఆయురారోగ్యాల నొసగే  అనంతలక్ష్మి వై
పసిడి పంటలను  పండించే  సౌభాగ్య లక్ష్మి వై
సర్వే జన  సుఖినో భవంతిని  దీవించగా
బతుకునిచ్చే  బతుకమ్మగా రావమ్మ
మా  బతుకుల్ని  బాగుచేసి  పోవమ్మ!