- కొమ్ము.సాగరిక
మంచిర్యాల, 8179364366
ఇంకెన్నాళ్లు సమాజంలో ఆడపిల్లలపై ఆకృత్యాలు.
ఆడపిల్లగా భువిలో జన్మించడమే పాపమా?
చిన్నతనం నుండే చీదరింపులు....
ప్రాయం వచ్చాక కామం చూపులకి నిత్యం బలి..
రొమ్ము పాలు తాగినా నీకు పక్షపాతం ఏలా?
చిత్రహింసలు పెడతావు, చితికి దగ్గర చేస్తావు..
గోరుముద్దలతో పెరిగిన తనని గొడ్డలితో నరకుతావు...
కన్నవారి కడుపుకోతను తీర్చేది ఎవరు?
గృహహింస తో గుండెల్లో గునపాలు గుచ్చుతావు..
ఎవరు ఇచ్చారు సోదర నీకు ఈ హక్కు ..?
గుండె గుండెకి తానోక స్వరాల సిరిమువ్వరా...
జీవంను ఇచ్చేందుకు ప్రాణాన్ని పణంగా పెట్టే జనని...
జీవితానికి తానోక వెలుగుల దారిని చూపే దిక్సూచి...
నిత్యం సమాజ శ్రేయస్సుకై పరితపించే పడతి...
వంటింట్లో ఉంటే తానోక ధైర్యవనిత...
వాకిలి దాటితే తానోక వీరవనిత...
కనికరించి కాపాడే కల్పవల్లిని,కాటేయ్యాకు రా!...
కన్నేర్రజేస్తే కాళికమాతై, నిన్ను కాటికి చేర్చును...
సమాజాన్ని నడిపేందుకు కదం తొక్కిన రథసారథి.
పడతి తోనే సాధ్యం ప్రపంచాన్ని జయించాలంటే..
నిత్యం ఆకృత్యాలు అరికట్టేలా ప్రతిన పూనుదాం..
అవనిలో తానోక ఆదిపరాశక్తి అని పూజిద్దాం!సోదర!...
మీ స్నేహితులకు రికమెండ్ చెయ్యండి
