- శ్రీమతి ములుగు లక్ష్మీ మైథిలి,
నెల్లూరు, 9440088482

ఓ మగువా..!
అవని నుంచి ఆకాశం దాకా
అంచెలంచెలుగా ఎదిగిన విజేతవు
ఇకనైనా అభద్రతా భావాన్ని విడనాడు
వేధింపు బంధీఖానానుంచి బయల్పడు
అకాల మృత్యువు చెరను వీడు

స్వేచ్ఛా విహంగమై , ఉత్తుంగ తరంగమై
భయాలనీలినీడలకు తావివ్వకు
మగువంటే మరో ప్రపంచ దీపిక
వేటాడే యాసిడ్ లకు..
గొంతులు కోసే ఉన్మాదులకు
నీ రిక్త హస్తాలే ఆయుధాలు గా మలుచుకో

కన్నెల కాటేసే కాలనాగులను
పసిపాపల మింగేసే మిన్నాగులను
ఆహుతి చేసే సర్పయాగం చేయ్..
నట్టింటి దీపాలను చిదిమేసే
నరరూప రాక్షసులను మట్టుపెట్టు
తల్లిపాలతో మానవత్వం రంగరించు
సడలని సంకల్పంతో ..
చెదరని ఆత్మబలం తో..
ఆడది అబల కాదని నిరూపించు.
మహిషాసుర మర్ధినివై దుష్ట శిక్షణ కావించు
ఓ మగువా.. చూపించు నీ తెగువ..!!