- జామి సత్యనారాయణ
కవి,రచయిత,నటుడు,ఉపాధ్యాయుడు
 రాజమహేంద్రవరం

పల్లవి: నేటి బాలలు మీ పుట్టినరోజు
 రేపటి పౌరులు మీ పండగ రోజు
 నెహ్రూ కథనే వినరా నిజ మార్గం నువ్వు కనరా       //నేటి బాలలు//

 చరణం: చాచా అంటే నెహ్రూజీ చాలా ఇష్టం గురూజీ
 నెహ్రూ మనకు ఆదర్శం నేతలతో అనుబంధం
 భారతదేశం మొదటి ప్రధాని నెహ్రూ తాతే కదరా
 ప్రపంచమంతా మెచ్చుకునే  శాంతిదూత కదరా
 భారతదేశం శాంతి మయం నెహ్రూ తోనే సాధ్యమయం   //నేటి బాలలు//
 

చరణం:  పిల్లలు అంటే పిడుగులురా చదువుల తల్లి బిడ్డలరా
 బడిలో చదువు భాగ్యమురా బంగారు బాట వేయునురా
 భారతదేశం గర్వించే ముద్దుబిడ్డలు కావాలి
 భారతమాత ఉప్పొంగే ఉత్తమ పౌరులు కావాలి
 నెహ్రూ తాత ఆశయం ఇదే నెరవేర్చుటకు కృషి చేద్దాం        //నేటి బాలలు//