జీతాల పెంపుదల కు కాదు
అనగారిన జీవితాలపై ప్రైవేటీకరణ
ఉక్కుపాదం మోపుతున్నందుకు
                         " సార్వత్రిక సమ్మె!
బ్రిటిష్ నల్ల చట్టాలను  తిరగ దోడి
కార్మిక హక్కుల హననానికి
కొత్త చట్టాలు చేస్తున్నందుకు
ప్రభుత్వ రంగ సంస్థలను అమ్మివేసి
ఉద్యోగ కార్మికుల హక్కులను కాలరాస్తూ,
రైతుల హక్కుల పై రెక్కల పై
నయా చట్టాలు మోపుతున్న అందుకు
                           " సార్వత్రిక సమ్మె"
 భద్రత లేని ప్రజలు స్త్రీలుఆదివాసీల రక్షణకై
 పూనుకొమ్మని హెచ్చరించడం కోసం....
 వలస కూలీల నువ్ అంచులను చేసి,
 కార్పోరేటర్ జేబులు నింపే
 అనాలోచిత చర్యలు అడ్డుకోవడానికి...
                          " సార్వత్రిక సమ్మె"
 దిగజారుతున్న శాంతి భద్రతలు,
 పెరుగు మూక హత్యలు, అఘాయిత్యాలు,
 మేధావుల పైనిర్ బంధాలనుండి
 ప్రభుత్వాలను మేల్కొలపడానికి....
 మత ఘర్షణ ముసుగులో మానవత్వాన్ని,
 ఆత్మ  నిర్భరత పేరుతో అమ్ముతున్న ప్రభుత్వ ఆస్తులు,
 ప్రజలకే దక్కాలని ప్రతిఘటించడానికి...
                         " సార్వత్రిక సమ్మె"
 ప్రభుత్వ వ్యవస్థలను నిర్వీర్యం చేస్తూ,
 పేదరిక నిర్మూలన ,ఉపాధి కల్పనలు లేని,
 కార్మికుల కొనుగోలు శక్తిని దెబ్బ కొట్టే,
 ప్రజా వ్యతిరేక విధానాలను,
 ప్రజల్లోకి తీసుకెళ్లి అడ్డుకోవడానికి....
                            " సార్వత్రిక సమ్మె"

వడ్డేపల్లి మల్లేశము,9010207412
( ఈ వ్యాసకర్త సామాజిక విశ్లేషకులు కవి రచయిత అధ్యక్షులు జాగృతి కళాసమితి హుస్నాబాద్ జిల్లా సిద్దిపేట తెలంగాణ)