అదిగదిగో...
వస్తోంది సంక్రాంతి!!
కొత్త సంవత్సరంలో
వెలుగులు విరజిమ్ముతూ...
కొత్త ఆశల చిగుర్లతో
పాత క్యాలెండరుని పాతిపెట్టి...
కరోనా భూతాన్ని
భోగిమంటలో వేయడానికి!!...

మకర సంక్రాంతి సూర్యుడు...
తూర్పున ఉదయిస్తోన్నాడు!!
తెలుగువారి లోగిళ్ళలో
సుతిమెత్తని సుప్రభాత
నులివేచ్చధనాన్ని పంచుతున్నాడు

మబ్బుపొరలను విడిచి...
మసక చీకట్లను నెట్టి...
మనిషి మనసు
తలుపులు తెరిచి...
ఆత్మీయ బంధాలు..
ప్రేమానురాగాలు...
అనుబంధాలను పంచడానికి!!....
ఓ కొత్త ఉదయాన్ని చూపడానికి!!...
ఓ కొత్త క్యాలెండర్ గా ఉనికిని చాటడానికి!!...

క్రొంగొత్త కాంతిలో...
సరికొత్త క్రాంతితో...
వచ్చింది సంక్రాంతి!!...
ఇంపుగా సొంపుగా...
మానవాళికి కొత్త సందేశానివ్వవచ్చెను..
విలువైన కానుకలు!!...
భోగభాగ్యాల పాడిపంటల ప్రతిఫలాలు
.

ఆడపడచుల కళ్లలో
పరిఢవిల్లే కొత్తకాంతి...
నిజమైన సంక్రాంతి!!...
వేకువతోనే వాకిళ్ల ముందు
కళ్ళాపి చల్లి...
నిండువేడుకతో
ముంగిళ్ళలో ముత్యాల
ముగ్గులు పరిచి...
రతనాల రంగులు వేసి...
బొద్దుగా గొబ్బెమ్మలు
ముద్దుగా పెట్టేరు!!...
హరిదాసు కీర్తనలు...
భోగిమంటలతో
స్వాగతం పలికేరు!!...

మువ్వలగంటలతో...
గంగిరెద్దుల సయ్యాటలో...
డూ డూ బసవన్నలు
దుమ్మురేపంగ....
గుమ్మాలకు మామిడి తోరణాలు...
సన్నాయిరాగాల
సంక్రాంతి సరిగమలు...
ప్రకృతి తల్లి పట్టు చీరకట్టి..
సంప్రదాయానికి దారివేసింది!!...

పల్లె..పట్నంలోన
పండుగ సంబరాలు...
నిండైన వేడుకలు!!...
నిండు హృదయంతో
నిలువెత్తు నిలిపిన
పసిడిలోగిళ్ళు..!!

అంబటి నారాయణ
నిర్మల్
9849326801