-మణినాథ్ కోపల్లె
హైదరాబాద్
9703044410

అందమైన  మహా వృక్షాలు నీవి!
ఆ మహా వృక్షాలే ప్రాణ శక్తి మాకు!!

సువాసనల పూదోటలు  నీవి !
ఆ  సువాసనలన్నీ మావి!!

జీవ నదుల  సవ్వడులు నీవి!
 ఆ  నీరు త్రాగి జీవించే మేము !!

ఉష కిరణాల అందాలు నీవి!
ఆ ఉషస్సుల నవశక్తి మాది!!
 
మహోన్నత హిమగిరులు నీవి!
 ఆ హిమగిరులే  రక్షణ  మాకు!!

మబ్బుల్లో దాగిన వానవి నువ్వు!
 ఆ వానలతో పండిన పంటలు మావి!!
 
అంతటా పచ్చని పైరులతో నీవు!
 ఆ పచ్చని పైరులే అన్నదాత మాకు !!
 
ప్రతి ఏటా వసంత శోభ నీది
ఆ వసంతమే కొత్త ఆశలు రేపు  మాలో!!

వన్య ప్రాణులకి నివాసం నీవు  !
ఆ వన్య ప్రాణ  సంరక్షణే నేటి నినాదం మాకు!!  

తల్లిలా ఆదరించే నీవు!
 ఆ తల్లి నీడన జీవించే మేము!!

ప్రకోపించితే ప్రళయమే నీవు!
ఆ ప్రళయానికి ఆహుతి మేము!!

సృష్టిని సృష్టించే  తత్వం నీది!
సృష్టి లో కలిసే మేము!!
ప్రతి జీవికి ప్రాణాధారం నీవు  
 ప్రకృతి ని కాపాడుదాం !!