1. గ్రీష్మతాపంతో అలసిన మేనిని
సేదదీర్చే తొలకరి చినుకులు
వళ్ళంత తుళ్ళింత అయ్యేలా
చూడచక్కని తెలుగు సున్నితంబు...!
2. తొలకరి చినుకులు తాకగనే
మృత్తికలోని సూక్ష్మజీవులతో కలిసి
ఎగసే సుగంధ పరిమళం
చూడచక్కని తెలుగు సున్నితంబు...!
3. చినుకుల చిత్తడి కాలువలలో
కాగితపు పడవల ప్రయాణం
చిన్నారులు చేసే ఆనందతాండవం
చూడచక్కని తెలుగు సున్నితంబు...!
4. తొలకరి చినుకులు కురవగనే
పుడమి పుత్రుని పరవశం
ఏరువాక సంబరం ఆరంభం
చూడచక్కని తెలుగు సున్నితంబు...!
5. తొలకరి చినుకుల చిటపటలు
చలిగాలుల గిలిగింతల గుసగుసలు
మధురమైన అనుభూతుల సరిగమలు
చూడచక్కని తెలుగు సున్నితంబు...!
- చంద్రకళ. దీకొండ,
9381361384
మీ స్నేహితులకు రికమెండ్ చెయ్యండి
