- నెల్లుట్ల సునీత
ఖమ్మం
తొలి పొద్దు పొడుపు లో
ఉదయించిన భానుడు
నిరాశా నిస్పృహల చీకట్లను
పారదోలిన  కాంతిపుంజం

బ్రిటిష్ కదంబ హస్తములో
నలిగిపోతున్న వ్యవస్థను
మేల్కొలిపి
తన్య శంఖం పూరించిన
యోధుడు
సంస్కృతిలో గొప్పదనాన్ని
ఆధ్యాత్మిక దివ్యత్వాన్ని
వేదాంత భేరి మోగించిన
స్వామీజీ సమయస్ఫూర్తి
భారతీయ ఘనతను
ఖండాంతరాలకు
చాటిన ఘనుడు
పేదల పీడితుల పక్షాన
నిలిచిన కోమల హృదయం
వేదనలతో విలపించిన త్యాగశీలి
పరిశ్రమించి తత్త్వ శాస్త్రములను
సమాజానికి అందించిన
త్యాగశీలి
యువతకు దిశా
నిర్దేశం చేసిన ఆదర్శప్రాయుడు
సనాతన ధర్మంలో
ప్రకాశించిన కారణజన్ముడు
దేశభక్తి కి నిలువెత్తు
రూపం నరేంద్ర దత్తుడు
ప్రవచనాలు పలికే
గొప్ప మేధస్సు
మాటలతో మంత్రముగ్ధుల్ని
చేసే తమస్సు
స్వామి వివేకానంద యశస్సు
విశ్వాంతరాళాల మన్ననలు పొందిన
ధీర వీర పరాక్రమవంతుడు స్వామి వివేకానందుడు
అందుకో వివేక అక్షర నీరాజనాలు...
ఆశ్రు నివాళులు అర్పిస్తూ..