మార్పును కాంక్షించిన మార్కిస్టు
కాషాయం ధరించిన కమ్యూనిస్టు
సమసమాజం స్వప్నించిన సోషలిస్ట్
మొత్తంగా నికార్సు హ్యూమనిస్టు
అతడే …!
సామాజిక ఉద్యమకారుడు
ప్రజా బంధు స్వామి అగ్నివేశ్..

శ్రీకాకుళం 'గడ్డ' మీద పుట్టి
విలువల 'ఉగ్గు పాలు పట్టి
ఆశయ సాధనకు నడుం కట్టి
ముందుకు సాగిన బాటసారి
ఆచార్యునిగా
న్యాయవాదిగా
విద్య మంత్రిగా
సమాజ సేవకునిగా
ఆర్య సమాజ్ కార్యకర్తగా
ఘనతికెక్కిన బహు పాత్రధారి

పర్యావరణ పరిరక్షణకు
బాల కార్మిక నిర్మూలనకు
పోరు సాగించిన విప్లవకారి
రాజ్యం కక్షగట్టి కన్నెర్రజేసినా
ఉన్మాదులు దాడికి తెగబడినా
ఇసుమంత వెరవని ధైర్యశాలి
పోరు బాట వీడని సమర శీలి
తెలంగాణ రాష్ట్ర సాధనకు
మద్దతు ఇచ్చిన ధీరోదాత్తులు
ప్రజా సమస్యల సాధన కోసం
యవత్ జీవితం దారబోసిన
ప్రజా విప్లవకారుడు
స్వామి అగ్నివేశ్ కు
ఉద్యమ నీరాజనాలు
(నేడు స్వామి అగ్నివేష్  వర్థంతి సందర్బంగా….)

                     కోడిగూటి తిరుపతి
                       9573929493