అలుపెరుగని జీవన పోరాటంలో అన్నీ నీవే కావాలి... 
రేపన్నది ఒకటున్నది అని మరువకు...
ప్రతి వ్యక్తిలో ఓ అద్భుత సృష్టి దాగున్నది...
అవును
నీ జీవితం ఒక అద్భుత పాఠం కావాలి...
నీ జ్ఞాపకాలు రేపటి భవితకు ఆదర్శం కావాలి...
అందుకు నీవే కర్త కర్మ క్రియ...
అవును
నీ జీవితం ఒక అద్భుత పాఠం కావాలి...
ఆ ఉషోదయానికైనా గడువున్నది అస్తమించిన డానికి...
నీ ఓటమి నీ ముందు బానిస కాక తప్పదు మరి...
సంయమనం పాటించు నిరాశ చెందకు అలుపెరుగకు...
అవును
నీ జీవితం ఒక అద్భుత పాఠం కావాలి...
గెలిచిన ప్రతి వ్యక్తి పడిలేచిన వాడే...
విజయ దుందుభి మోగించిన ప్రతి వ్యక్తి ఒక సాహసియే...
అందుకు కావాల్సింది నీ వంతు ప్రయత్నమే...
అవును
నీ జీవితం ఒక అద్భుత పాఠం కావాలి...
తల్లి గర్భంలో పోరాడిన ఒక విజేతవే నీవు...
యాంత్రిక జీవితంలో నవతరానికి బాసట నీవే...
అంతర్జాలంతో మంత్ర ముగ్ధుల్ని చేసింది నీవే...
అవును
నీ జీవితం ఒక అద్భుత పాఠం కావాలి...
నీ చిరునామానే కాదు ప్రతి గుండెలో చిరస్థాయిగా నిలవాలి...
నీవే భావితరాలకు ఆదర్శం కావాలి...
ఈ ప్రపంచానికి నీవే ఒక ఆణిముత్యం కావాలి...
అవును
నీ జీవితం ఒక అద్భుత పాఠం కావాలి...
- డా.చిటికెన కిరణ్ కుమార్
9490841284
