ప్రకృతికి కోపం వస్తే అది నీలా ఉంటదేమో!
ప్రపంచం మొత్తాన్ని
గడగడ లాడిస్తున్నవు !
నీ లక్ష్యం మనిషి ప్రాణం తియ్యడమేనా!
మానవత్వం లేదా
పసిమొగ్గల్లాంటి పిల్లల మొదలు
పండుముసలి అవ్వల దాకా
తన మన భేదం లేకుండా
అందరినీ చంపేస్తున్నవ్!
కరోనా ఆలోచించు!
తిండి లేక అలమటిస్తున్న అనాధల
పేదల బతుకుల
మనుగడ ఎలా..!?
చాలీచాలని బతుకులతో కూలీనాలి
చేసుకునోటోళ్ళ బతుకుబండి నడవడం ఎలా..!?
వాళ్ళ కుటుంబాలు రోడ్డున పడుతున్నాయి
వాళ్ళకి భరోసా ఎవరు ?
పెద్దదిక్కు ఎవరు??
కరోనా ఆలోచించు !
ఎవరికి వారిమి సామాజిక భాద్యతతో బందీలుగా ఉన్నాం!
ఇది చాలదా
మా నిబద్ధతను చూపడానికి!!
చాలు
ఇక వెళ్ళిపో!!
- కె.నరేందర్
తెలుగు విభాగం
మహాత్మా గాంధీ విశ్వవిద్యాలయం, నల్లగొండ
మీ స్నేహితులకు రికమెండ్ చెయ్యండి
