నవతెలంగాణ-కుభీర్‌
మండలంలోని దార్‌కుభీర్‌ గ్రామానికి చెందిన తోకల మారుతి కుమార్తె తోకల శ్రీతేజకు ఇటీవల ఎంబీబీఎస్‌లో రాష్ట్ర స్థాయిలో 1502 అల్‌ ఇండియాలో7200 ర్యాంకు రావడంతో జిల్లా స్థాయిలో 511వ స్థానం సాధించడంతో విద్యార్థికి సోమవారం మండలంలోని పార్డి(బి) గ్రామంలోని శ్రీరాజరాజేశ్వర్‌ మందిర్‌లో సన్మానించారు. ఈ సందర్భంగా గ్రామ మాజీ సర్పంచ్‌ రాజన్న మాట్లాడుతూ గ్రామీణ ప్రాంతాల్లో నిరుపేద కుటుంబం నుంచి కష్టపడి చదువుకొని ఉన్నత స్థాయికి ఎదిగి ఎంబీబీఎస్‌ సీటు సాధించిన శ్రీతేజకు గ్రామస్తులు అభినందించారు. అదే విధంగా ఆమె మాట్లాడుతూ కష్టపడితే సాధ్యం కానిదంటూ లేదని అన్నారు. పేద ప్రజలకు సేవలు అందించాలనేది నా కోరిక అని తెలిపారు. ఈ కార్యక్రమంలో గ్రామస్తులు చిమ్మన్‌ పోశెట్టి, ఆలయ కమిటీ సభ్యులు లక్ష్మీకాంత్‌, గణేష్‌, మాజీ ఎంపీటీసీ కనోబ, గ్రామస్తులు శ్రీకాంత్‌, మడి రాజేశ్వర్‌, మారుతి ఉన్నారు.
