ఈ దేశానికి కొత్త వైరస్‌ సోకింది,
జాగ్రత్తగా ఉండండి!
ఇది ప్రశ్నను కాపు కాచి హత్య చేస్తుంది
ముస్లింలు, మైనార్టీలు, దళితులపై
బాహాటంగానే దాడి చేస్తుంది.
ఊపిరి పీల్చుకుంటే వదలనివ్వదు
వదిలితే పీల్చుకోనివ్వదు ఈ వైరస్‌!
గడ్డ కట్టే చలిలో అక్కడ రైతులకు రక్తపరీక్షలు చేస్తుంది
బ్యాంకులో నాలుగు డబ్బులుంటే చాలు
లాగేసుకుని, నిన్ను రోడ్డున పడేస్తుంది.
కాపలాదారు వైరస్‌ రూపంలో వచ్చి
చేతిలో చిల్లిగవ్వ ఉండనివ్వడు
వైరస్‌ 'చారువాలా'గా వచ్చేసి,
మన చారు మనల్ని తాగనివ్వదు.
ఈ వైరస్‌ ఇంటికి ఎలా వస్తుందో మనకే తెలియట్లేదు.
గ్యాస్‌ బండతో వస్తుందా?
బండిలో పెట్రోలుతో వస్తుందా?
కూరగాయలతో వస్తుందా?
సరుకులతో వస్తుందా?
జనాలతో కలిసి మెలసి ఉండొద్దని చెపుతోంది వైరస్‌
కులాల పేరుతో, మతాల పేరుతో వేరు చేస్తుంది వైరస్‌
మనుషులంతా ఒక్కటే అన్నవాణ్ణి
పక్క దేశం పొమ్మని చెప్తుంది.
ఆవు పేడ పూసుకుని ఈ వైరస్‌, ఆవు మూత్రం తాగుతుంది
నినాదాల్లేవ్‌, హక్కుల్లేవ్‌, పోరాటాల్లేవ్‌
ఎక్కువ మాట్లాడితే నువ్వీ దేశ పౌరుడివని రుజువేంటి?
అని ప్రశ్నిస్తుంది.
దేశభక్తి చెట్టు పేరు చెప్పి కాయలమ్ముకుంటుంది.
చదువుకున్నవారి చదువులన్నీ ఈ వైరస్‌తో చంకనాకిపోతాయి.
అబద్ధాల ఫ్యాక్టరీలో ఉన్నతాధికారులవుతారు.
చెవుల్లో పూలు పెట్టి, వైరస్‌ వీరితో భజన్లు చేయిస్తుంది.
శరీర భాగాల్లో కాకుండా,
ఈ వైరస్‌ కేవలం మెదళ్లలో తిష్ట వేస్తుంది.
ఆలోచనల్ని తొలిచేసి డొల్లగా చేస్తుంది.
రోడ్డు మీద మనుషులు తిరగాలి.. కానీ, ఎవరిలోనూ
మనిషితత్వం ఉండకూడదు, మానవత్వం మిగలకూడదు
అయితే మరి, ఇప్పుడేం చేద్దాం?
నువ్వు నేనూ శానిటైజర్‌ రుద్దుకుంటూ
కూర్చుంటే కాదురా తమ్ముడూ !
లే...దేశాన్ని కేకేరు.. అందరినీ పిలువ్‌..
ఈ దేశాన్ని శానిటైజ్‌ చేయాల్సి ఉంది.
- డాక్టర్‌ దేవరాజు మహారాజు
