ఓట్లు కొనుక్కున్న నాయకుడు
కోట్లకు అమ్ముడు పోయాడు
ప్రజాస్వామ్యంను నేతలంతా
పరిహాసం చేసారు కదా...!
సిద్ధాంతాలు మరచిన పార్టీలు
సంపాదనకు తెరలేపాయి
చందాలిచ్చే బడాబాబులకు
ప్రత్యేక రాయితీలు ప్రకటించారు
దేశం అప్పులు చేస్తుంటే
కొందరు మాత్రం కూడబెట్టారు
కూడు గూడు గుడ్డ దగ్గరే
జనం ఇంకా క్యూ కట్టారు
పేదలకు పథకాలు పెట్టి
పోరాటం మరిపించారు
రోషం వస్తె రేషన్‌ కట్‌
ప్రశ్న వేస్తే దేశ ద్రోహి ముద్ర
మళ్లీ కమ్యూనిస్టులు రావాలి
దేశంకు సోషలిజం నిర్దేశం చేయాలి
ఒకరు ఇద్దరూ కాదు
ప్రజలంతా పంచుకునే కాలం కావాలి...
- దాసరి మోహన్‌,
9985309080
మీ స్నేహితులకు రికమెండ్ చెయ్యండి
