పుస్తకం అమ్మ వంటిది
చదివితె కమ్మగుంటది
ప్రతి మాట ప్రతి పుట
నోటికి కూడౌతది-
మెదడుకు పదునుపెడతది ||పుస్తకం||
నేటి మనుషులంత
నాటి కోతి సంతతని
తరాలు చెమటోడ్చి
అవతారం మార్చిరంటది-
శాస్త్రాలు నేర్చిరంటది ||పుస్తకం||
రాత్రి దెయ్యం రాదు
రాయి దైవం కాదు
మూఢముచ్చు ఆచారాలు
విడవమంటది-
వివరం చూపెడతది ||పుస్తకం||
తిత్తుల కొలిమితీసి
విద్యుత్తును వెలిగించి
విమానాలు ఎగరేస్తే
విశ్వమంత తిరుగునంటది
తంత్రి వార్త మోయునంటది ||పుస్తకం||
పల్లె తొలిదని పట్నం మలిదని
నిజమన్నదె నిలుచునని
నీతికి జయమగునని
మనిషి కథలు చెపుతది
-మహాత్ములను చేస్తది
||పుస్తకం||
- డా బెల్లి యాదయ్య 9848392690
మీ స్నేహితులకు రికమెండ్ చెయ్యండి
