ప్రతీ అక్షరం ఓ ప్రభోదం
ప్రతీ పదం ఓ ప్రజ్వలనం
ప్రతీ పాదం ఓ ఉద్దీపనం
ప్రతీ వాక్యం ఓ ఉత్ప్రేరకం
విప్లవ కావ్యమే రెడ్‌ బుక్‌

కార్మిక కర్షక శ్రామికులకు
పోరు పాఠం ప్రబోధిస్తుంది
కష్టజీవులు, కర్మవీరులకు
రణ తంత్రం మంత్రిస్తుంది

తాడిత పీడిత వర్గాలకు
ఎర్ర దారిలో నడిపిస్తుంది
మూగబోయిన గళాలకు
ధిక్కారాజ్ఞుల రాజేస్తుంది

అంధకారమైన జీవితాల్లో
క్రాంతి వెలుగు పరుస్తుంది
అసమానతల వ్యవస్థపై
అక్షరాస్త్రం సంధిస్తుంది

పెట్టుబడిదారుల గుండెల్లో
విప్లవ జెండా దించుతుంది
స్వామ్యవాద సూత్రాలను
కళ్లెదుటనే అవిష్కరిస్తుంది

సమసమాజ నిర్మాణానికి
సబ్బండవర్గాల కదిలిస్తుంది
మరో మహౌదయం వైపు
ప్రపంచాన్ని నడిపిస్తుంది

విముక్తి చిహ్నమా!
శ్రామికుల నేస్తమా!!
ఎర్రెర్రని పుస్తకానికి
విప్లవ యోధుల వందనం
ఉద్యమ దళాల నీరాజనం

(ఫిబ్రవరి 21న ''రెడ్‌బుక్స్‌డే'' సందర్బంగా)
కోడిగూటి తిరుపతి, 9573929493