Authorization
Mon Jan 19, 2015 06:51 pm
కాలుకు ముల్లు గుచ్చుకున్నా
కంటిలో కన్నీటి పొరలల్లుకున్నా
విరామమెరగని వాక్యమై
నా ఎదుట ప్రత్యక్షమవుతుంది!
గాయాలు గుణ పాఠాలు నేర్పుతాయి
బాధలన్నీ పంటి బిగువున దాక్కుంటాయి
నొప్పి ఏ వైద్య పరీక్షకు అందదు
ఆమె ఓదార్పే భరోసా వాక్యమవుతుంది!
నేనే మంత్ర విద్యలెరుగను
వేళకన్నీ సమకూరుతుంటయి
ఆమే ఇంట్లో లేనప్పుడే
నివాసమంతా అస్పస్ట వాక్యమవుతుంది!
తాము లేకుంటే నేనేమైపోతాననే
అమ్మకు ఆమెకు నిత్య వివాదం
భిన్నాభిప్రాయాలు ఎన్ని ఉన్నా
ఆమె చేతిలోనే నన్నుంచి అదశ్య వాక్యమైంది!
పుట్టినప్పటి నుంచీ
నేను నేల మీద నడయాడినంత వరకు
అమ్మ ఆమే నిత్యం నన్ను
కంటికి రెప్పలై కాపాడిన సంయుక్త వాక్యాలు!
ఈ సృష్టి ప్రతి కదలికా
ఆది నుంచీ ఆమె కరస్పర్శతోనే
నీవూ నేనూ ఎన్ని వాక్యాలు రాస్తే
ఆమెకో సమాన వాక్యం కాగలం!!
- కోట్ల వెంకటేశ్వర రెడ్డి
9440233261