మిత్రో!
ప్రతి గైర్హాజరూ
ఒక సత్యాగ్రహం వంటిదే!
వాగ్దాలన్నీ శుష్క వాగ్దానాలైనప్పుడు
కుర్చీ వేసినా మడత మంచమేసినా
పక్కాగా గైర్హాజరే!
ఈ మట్టిది ఆది నుంచీ
వివక్ష ఏ రూపంలో ఉన్నా
ఎదురు నిల్చి పోరాడే తత్వమే!
బలాన్నో బలగాన్నో చూసి
జడిసే స్వభావం
తెగింపున్న తెలంగాణకు లేదు!
దేశమంతా మోకరిల్లుతున్నా
పిడికిలెత్తుతుంది ఇక్కడే
కుట్రలు భగం చేస్తుందిక్కడే!
విడగొట్టు పడగొట్టు
ఎప్పటికైనా అది వితండ వాదమే
నిర్మించు నిలబెట్టు సకల జన సమ్మతమే!
యుద్ధ మేఘాలు కమ్ముకొస్తుంటే
బెదిరింపుల ఉరుముల
మెరుపులు సహజమే
ఎలుగెత్తిన స్వరం ఎప్పటికీ ఒంటరి కాదు!
ఆచరించే మార్గం సరియైనదైతే
అనుసరించే పాదాలు
కాశీ నుండి కన్యాకుమారి వరకు!
అపాత్ర మిత్ర వాత్సల్యమూ
ఎనిమిదో వ్యసనమే
ఇద్దరిలో ఎవరి చేతులు
కాలినా బద్ధ శతత్వమే!
అమ్మకాలు తెలిసి వారిని నమ్మడం
ఒక చేదు అనభవమే
రాబోయే ఫలితాలు విజ్ఞతకు సంకేతాలే!!
- కోట్ల వెంకటేశ్వర రెడ్డి
9440233261.
