రండి... ఇలా
అందరం కూర్చొని
కాసిని కబుర్లు చెప్పుకుందాం...
జ్ఞాపకాల్ని నెమరువేసుకొందాం..!!
కులాల్ని వదలి... మతాలను విడిచి...
ఆస్తి అంతస్తులను దూరంగానెట్టి...
ఆత్మీయతతో అల్లుకుపోదాం...
ఒకొక్కరి జీవన స్థితిగతులను చెప్పుకుందాం...
మనసులోని మర్మాలను
బయటపెట్టుకుందాం
రండి... ఇలా
అందరం కూర్చొని
కాసిని కబుర్లు చెప్పుకుందాం...
రేపటి భవిష్యత్తు గురించి
చర్చించుకుందాం..!!
ఒకరికొకరం బతుకుమీద
భరోసా కల్పించుకుకొని...
ఒకరికోసం మరొకరం కలిసి
జీవించేదారిని వెతుక్కుందాం..!!
మానవ సంబంధాల్ని...
శాశ్వతమైన విశ్వాసాన్ని నిలుపుకొందాం...
రండి... ఇలా
అందరం కూర్చొని
కాసిని కబుర్లు చెప్పుకుందాం...
- అనంతోజు మోహన్‌ కృష్ణ
సెల్‌:8897765417
మీ స్నేహితులకు రికమెండ్ చెయ్యండి
