- కడ్తాల్‌ మండలాధ్యక్షులు యాట నర్సింహ ముదిరాజ్‌
- నేటి నుంచి హాత్‌ సే హాత్‌ జోడో యాత్ర ప్రారంభం
నవతెలంగాణ-ఆమనగల్‌
రాబోయే ఎన్నికల్లో కేంద్రంలో, రాష్ట్రంలో కాంగ్రెస్‌ పార్టీ అధికారంలోకి రావడం ఖాయమని కాంగ్రెస్‌ కడ్తాల్‌ మండలం అధ్యక్షులు యాట నర్సింహ ముదిరాజ్‌ ఆశాభావం వ్యక్తం చేశారు. శనివారం కడ్తాల్‌ మండల కేంద్రంలో ఏర్పాటు చేసిన విలేకరుల సమావేశంలో స్థానిక నాయకులతో కలిసి మండల అధ్యక్షులు యాట నర్సింహ ముదిరాజ్‌ మాట్లాడుతూ ఏఐసీసీ నాయకులు రాహుల్‌ గాంధీ ఇటీవల కన్యాకుమారి నుంచి కాశ్మీర్‌ వరకు చేపట్టిన భారత్‌ జోడో యాత్ర విజయవంతంగా పూర్తి చేసిన నేపథ్యంలో మండలంలో 'హాత్‌ సే హాత్‌ జోడో' యాత్రను నిర్వహిస్తున్నట్టు చెప్పారు. ఈ సందర్భంగా ఏఐసీసీ కార్యదర్శి, మాజీ ఎమ్మెల్యే డాక్టర్‌ చల్లా వంశీచంద్‌ రెడ్డి ఆధ్వర్యంలో మండలంలోని మైసిగండి అమ్మవారి ఆలయంలో ప్రత్యేక పూజలు నిర్వహించారు. అనంతరం హాత్‌ సే హాత్‌ జోడో యాత్ర ప్రారంభమవు తుందన్నారు. ఈ కార్యక్రమంలో కాంగ్రెస్‌ సీనియర్‌ నాయకులు, ప్రజా ప్రతినిధులు, యూత్‌ కాంగ్రెస్‌, ఎన్‌ఎస్‌ యూఐ నాయకులు, రేవంత్‌ మిత్ర మండలి సభ్యులు, పార్టీ శ్రేణులు, కార్యకర్తలు, అభిమానులు పెద్దసంఖ్యలో పాల్గొని కార్యక్రమాన్ని జయప్రదం చేయాలని ఆయన కోరారు. ఈ కార్యక్రమంలో కాంగ్రెస్‌ పట్టణ వర్కింగ్‌ ప్రెసిడెంట్‌ రాంచందర్‌ నాయక్‌, మాజీ ఎంపీటీసీ గురిగల్ల లక్ష్మయ్య, వార్డు సభ్యులు మల్లయ్య, సీనియర్‌ నాయకులు మలే మల్లేష్‌, మంకీ మహేష్‌, శాబుద్దీన్‌, ఇమ్రాన్‌ బాబా తదితరులు పాల్గొన్నారు.
