- వికారాబాద్‌ ఎమ్మెల్యే డాక్టర్‌ మెతుకు ఆనంద్‌
నవతెలంగాణ-వికారాబాద్‌ కలెక్టరేట్‌
ప్రజలతా క్షేమంగా ఉండాలని వికారాబాద్‌ ఎమ్మెల్యే మెతుకు ఆనంద్‌ అన్నారు. వికారాబాద్‌ మండల పరిధిలోని ఎర్రవల్లి గ్రామంలో శివలింగము, నంది, నాగదేవత, నవగ్రహ సహిత, ధ్వజ స్తంభ మరియు గ్రామ నాభి ప్రతిష్టాపన మహౌత్సవ కార్యక్రమంలో ఎమ్మెల్యే పాల్గొని ప్రత్యేక పూజలు నిర్వహించారు. ఈ సందర్భంగా ఎమ్మెల్యే డాక్టర్‌ మెతుకు ఆనంద్‌ మాట్లాడుతూ నవగ్రహాలను ధ్వజ స్తంభ ప్రతిష్టాపన చేసుకోవడం అభినందించ విషయమని గ్రామంలోని ప్రజలు సుఖసంతోషాలతో ఐక్యమత్యంతో ఉండాలని ఆయన కోరారు.
ఘనంగా జరిగిన నవగ్రహ ధ్వజస్తంభ ప్రతిష్టాపన
ఎర్రవల్లి గ్రామంలో ధ్వజస్తంభ ప్రతిష్టాపన చాలా ఘనంగా నిర్వహించారు. గ్రామంలోని ఇంటి ఆడబిడ్డలు ప్రతి ఒక్కరు పాల్గొనాలి అనే సాంప్రదాయంతో వయసుతో నిమిత్తం లేకుండా గ్రామ ఆడబిడ్డలు అందరూ పిల్లాపాపలతో పాల్గొని ప్రతిస్తంభన విజయోత్సవంలో పాల్గొన్నారు. ధ్వజ స్తంభన ప్రతిష్టాపనకు ఆడబిడ్డలు రాకుంటే ఏడు సంవత్సరాలు గ్రామానికి రావద్దు అని నానుడి ఉండటంతో ప్రతి ఒక్కరూ పాల్గొన్నారు. గ్రామంలో బంధువులు అందరూ హాజరు కావడంతో గ్రామంలో ఎక్కడ చూసినా జాతర వాతావరణం ఉత్సాహం నెలకొంది. కార్యక్రమంలో గ్రామ పెద్దలు ఎస్‌ ప్రభాకర్‌ రెడ్డి, మాజీ సర్పంచ్‌ సుబాన్‌ రెడ్డి, హనుమంతు, గఫర్‌, రవీందర్‌, సుదర్శన్‌ రెడ్డి, ప్రజాప్రతినిధులు, నాయకులు తదితరులు పాల్గొన్నారు.
