నవతెలంగాణ-తలకొండపల్లి
కర్ణాటకలో కాంగ్రెస్‌ పార్టీ భారీ మెజార్టీతో గెలిస్తే ఎంతమంది ఎమ్మెల్యేలు గెలిస్తే అన్ని కొబ్బరికాయలు కొడతామని కాంగ్రెస్‌ నాయకులు మొక్కారు. అందులో భాగంగా ఆదివారం తలకొండపల్లి మండలంలోని దేవుని పడకల్‌ గ్రామంలో శ్రీ వెంకటేశ్వరస్వామి దగ్గర 136 కొబ్బరికాయాలను మండల కాంగ్రెస్‌ అధ్యక్షులు డోకూరు ప్రభాకర్‌ రెడ్డి, కాంగ్రెస్‌ నాయకులు దేవుని పడకల్‌ సర్పంచ్‌ శ్రీశైలం కొట్టారు. అలాగే తెలంగాణలో కర్ణాటక తరహాలో కాంగ్రెస్‌ పార్టీ అధికారంలోకి వస్తే ఇక్కడ కూడా కొబ్బరికాయలు కొడుతామని తెలిపారు. కార్యక్రమంలో టీపీసీసీ రాష్ట్ర కిసాన్ సెల్‌ నాయకులు మోహన్‌రెడ్డి, మాజీ ఎంపీటీసీ రాములు, బ్లాక్‌ కాంగ్రెస్‌ అధ్యక్షులు యాట నరసింహ, కడ్తాల్‌ మండల్‌ కాంగ్రెస్‌ అధ్యక్షులు బిచ్చ నాయక్‌, జిల్లా కార్యదర్శులు బిఖ్యా నాయక్‌, అసెంబ్లీ సోషల్‌ మీడియా ఇన్‌చార్జి అజీమ్‌, అసెంబ్లీ యూత్‌ కాంగ్రెస్‌ కార్యదర్శి రవీందర్‌ యాదవ్‌, కిసాన్ కాంగ్రెస్‌ అధ్యక్షులు విష్ణు గౌడ్‌, ఎన్‌ఎస్‌యుఐ మండల అధ్యక్షుడు రమేష్‌ నాయక్‌, వార్డు మెంబర్‌ శ్రీను, యూత్‌ కాంగ్రెస్‌ నాయకులు బిక్షపతి, గోపి, శ్రీను ,ఆంజనేయులు, పరమేందర్‌, రాజు, తిరుపతి, యాదయ్య, సత్యం తదితరులు పాల్గొన్నారు.
