- సుల్తాన్‌ పల్లి గ్రామ సర్పంచ్‌ దండు ఇస్తారి
నవతెలంగాణ - శంషాబాద్‌
గ్రామసభ ద్వారా వచ్చిన అభ్యర్థనలు, సూచనలను పరిగణలోకి తీసుకుని సమస్యలు పరిష్కరిస్తామని శంషాబాద్‌ మండల పరిధిలోని సుల్తాన్‌ పల్లి గ్రామ సర్పంచ్‌ దండు ఇస్తారి అన్నారు. సోమవారం గ్రామంలో ఆయన అధ్యక్షతన జరిగిన గ్రామసభలో ప్రజల నుంచి పలు అభ్యర్థనలను స్వీకరించారు. గ్రామంలో చేపట్టబోయే అభివృద్ధి పనులు తీసుకోవాల్సిన చర్యల గురించి చర్చించారు. ప్రధానంగా తాగునీరు, సీసీరోడ్లు, అంతర్గత మురుగు కాలువలు తదితర సమస్యలను సకాలంలో పరిష్కరించే విధంగా చర్యలు తీసుకునేందుకు చర్చించారు. ఈ సందర్భంగా ఆయన మాట్లాడుతూ గ్రామంలో ఎమ్మెల్యే ప్రకాష్‌ గౌడ్‌ సహకారంతో శరవేగంగా అభివృద్ధి పనులు చేపడుతామన్నారు. ప్రజలకు ఇచ్చిన విజ్ఞప్తులను పరిగణలోకి తీసుకొని సమస్యలను పరిష్కరించేందుకు కృషి చేస్తామని తెలిపారు . ఈ కార్యక్రమంలో ఉప సర్పంచ్‌ స్పందన సుధాకర్‌ , వార్డు సభ్యులు , పంచాయతీ కార్యదర్శి తదితరులు పాల్గొన్నారు.
