- యూటీఎఫ్‌ రాష్ట్ర ఉపాధ్యక్షులు సీహెచ్‌ రాములు
- ఆమనగల్‌ మండలంలో యూటీఎఫ్‌ నాయకుల విస్తృత ప్రచారం
నవతెలంగాణ-ఆమనగల్‌
విద్యారంగ సమస్యల పట్ల పూర్తి అవగాహన ఉన్న పాపన్నగారి మాణిక్‌ రెడ్డిని ఎమ్మెల్సీగా గెలిపించాలని టీఎస్‌ యూటీఎఫ్‌ రాష్ట్ర ఉపాధ్యక్షులు సీహెచ్‌ రాములు అన్నారు. మహబూబ్‌నగర్‌, రంగారెడ్డి, హైదరాబాద్ ఉమ్మడి జిల్లాల ఉపాధ్యాయ ఎమ్మెల్సీగా టీఎస్‌ యూటీఎఫ్‌ అభ్యర్థి పాపన్న గారి మాణిక్‌ రెడ్డిని గెలిపించాలని కోరుతూ గురువారం మండల కేంద్రంలోని ప్రభుత్వ బాలుర, బాలికల, బస్టాండ్‌ ఉన్నత పాఠశాలలతో పాటు ఆకుతోటపల్లి ఉన్నత పాఠశాలలో యూటీఎఫ్‌ నాయకులతో కలిసి రాష్ట్ర ఉపాధ్యక్షులు సీహెచ్‌ రాములు ప్రచారం నిర్వహించారు. విద్యారంగ సమస్యలు వాటి పరిష్కారం పట్ల పూర్తి అవగాహన ఉన్న పాపన్నగారి మాణిక్‌ రెడ్డిని అత్యధిక మెజారిటీతో గెలుపించాలని వేడుకొన్నారు. యూటీఎఫ్‌ మండల బాధ్యులు పబ్బతి ఆంజనేయులు ఆధ్వర్యంలో జరిగిన ఈకార్యక్రమంలో రాష్ట్ర నాయకులు అనిల్‌, సాంబయ్య, జిల్లా కోశాధికారి జగన్నాథ్‌, జిల్లా ఆడిట్‌ కమిటీ సభ్యులు రాములయ్య, శ్రీనివాసులు, రాంచందర్‌, వెంకట స్వామి తదితరులు పాల్గొన్నారు.
