నవతెలంగాణ-మర్పల్లి
మైండ్‌ ట్రీ ఫౌండేషన్‌ దాతల సహకారంతో శిక్షణ ఫౌండేషన్‌ ఆధ్వర్యంలో మండల పరిధిలోని ఎమ్మార్సీలో మర్పల్లి కాంప్లెక్స్‌ స్థాయి క్విజ్‌ పోటీలు నిర్వహించారు. ఈ క్విజ్‌ పోటీలో మర్పల్లి, సిరిపురం, గుండ్ల మర్పల్లి, నర్సాపూర్‌, పిల్లిగుండ్ల, కట్టే పహాడ్‌ తాండ, వీర్లపల్లి, కొట్లాపూర్‌, ప్రాథమిక పాఠశాలలో క్విజ్‌ పోటీల్లో పాల్గొన్నాయి. ఈ పోటీలో ప్రాథమిక పాఠశాల నర్సాపూర్‌ పాఠశాల కాంప్లెక్స్‌ స్థాయి విజయం సాధించింది. ఈ పాఠశాలకు శిక్షణ ఫౌండేషన్‌ ద్వారా ట్రోఫీ అందజేశారు. మిగతా పాఠశాల విద్యార్థులకు ప్రతిభా పురస్కార పత్రాలను అందజేశారు. ఈ కార్యక్రమంలో మర్పల్లి కాంప్లెక్స్‌ ఇన్‌చార్జి వెంకటయ్య, రఫిక్‌, సందీప్‌కుమార్‌, రమేష్‌, పండరి, చంద్రశేఖర్‌, వెంకటేశం, సుకుమార్‌, ప్రమీల, శిక్షణ ఫౌండేషన్‌ సీనియర్‌ మెంటర్‌ రాజు, నాగ లత, విజయ్‌కుమార్‌, ప్రభు పాల్గొన్నారు.
