నవతెలంగాణ-మాడ్గుల
మండలంలోని నాగిళ్ల గ్రామంలో నిరుపేదలకు ఉప్పల చారిటబుల్‌ ట్రస్ట్‌ ద్వారా పూర్తి ఇండ్లలకు, అసంపూర్తి ఇంటి నిర్మాణాలకు మంగళవారం మెటీరియల్‌ అందజేశారు. ఈ సందర్భంగా గ్రామంలోని నిరుపేద కుటుంబానికి చెందిన పాలకూర్ల మంగమ్మ, పులికంటి గోపాల్‌, చాట్ల జంగయ్య, చాట్ల శ్రీరాములు, వడ్డేమోని రాములమ్మ ఇంటి నిర్మాణానికి ఉప్పల చారిటబుల్‌ ట్రస్ట్‌ చైర్మన్‌, తలకొండపల్లి జడ్పీటీసీ వెంకటేష్‌ తన ట్రస్ట్‌ ద్వారా ఇటుక, సిమెంట్‌ కొనుగోలు చేసి అందజేశారు. నిరుపేద కుటుంబానికి చెందిన లబ్ది దారులు ఉప్పల వెంకటేష్‌కు కృతజ్ఞతలు తెలిపారు. ఈ కార్యక్రమంలో ట్రస్టు సభ్యులు వడ్డేమోని శేఖర్‌, సాటు మహేష్‌, మల్లేష్‌ పాల్గొన్నారు.
మీ స్నేహితులకు రికమెండ్ చెయ్యండి
