నవతెలంగాణ-ఆమనగల్‌
కడ్తాల్‌ మండలంలోని రావిచేడ్‌ గ్రామానికి చెందిన చెందిన సాయిరాం చిన్నతనంలోనే తల్లిదండ్రులను కోల్పోయి నానమ్మతో కలిసి గుడిసెలో నివాస ముంటున్నారు. స్థానిక నాయకుల ద్వారా విషయం తెలుసుకున్న ఉప్పల చారిటబుల్‌ ట్రస్ట్‌ వ్యవస్థాపక అధ్యక్షులు, తలకొండపల్లి మండల జడ్పీటీసీ సభ్యులు ఉప్పల వెంకటేష్‌ సాయిరాం ఇంటి నిర్మాణానికి కావాల్సిన సహకారాన్ని తన ట్రస్ట్‌ ద్వారా అందజేస్తానని హామీనిచ్చారు. ఈ నేపథ్యంలో బుధవారం ఉప్పల యువసేన సభ్యులతో కలిసి సాయిరాం అతని నానమ్మ తమ ఇంటి నిర్మాణానికి శంకుస్థాపన చేశారు. ఈ సంద ర్భంగా వారు తమకు నిలువ నీడ కల్పిస్తున్న ఉప్పల వెంక టేష్‌కు కృతజ్ఞతలు తెలిపారు. ఈకార్యక్రమంలో ఉప్పల యువసేన నాయకులు క్యాసగల్ల రమేష్‌, చేగూరి రాజు, సావుకారి మల్లయ్య, టేకుల నరసింహరెడ్డి, కారోబార్‌ కృష్ణయ్య, శేరి చంద్రయ్య, మార్చె శేఖర్‌, తిరుపతి నాయక్‌, ఎంఆర్పీఎస్‌ అబ్బు రమేష్‌ పాల్గొన్నారు.
