నవతెలంగాణ-దోమ
వీరత్వానికి ప్రతీకగా కొలుచుకునే వీరుడు ఛత్రపతి శివాజీ అని ఎంపీటీసీ రాములు, సర్పంచ్‌ సురేశ్‌ అన్నారు. ఆదివారం మండల పరిధిలోని బొంపల్లిలో గ్రామస్తులు, యువతతో కలసి ఛత్రపతి శివాజీ విగ్రహా ప్రతిష్టాపనకు శంకుస్థానన చేశారు. ఆయన మాట్లాడుతూ.. శివాజీ పరిపాలన నేటికి పాలకులందరికీ ఆదర్శ ప్రాయమని, తన పాలనలో కులమతాలను సమదృష్టితో చూశారన్నారు. హిందు, ముస్లీం అనే బేదాలు లేకుండా దేవాలయాలు, మసీదులను పునరుద్ధరించారన్నారు. కార్యక్రమంలో ఆర్పీఐ రాష్ట్ర ప్రచార కమిటీ చైర్మన్‌ రామన్న మాదిగ, హిందు వాహిని జిల్లా సమాచార ప్రముఖ్‌ నర్సింహ యాదవ్‌, ఎమ్మార్పీఎస్‌ జిల్లా అధ్యక్షుడు రమేశ్‌, గ్రామ మాజీ సర్పంచ్‌ గందె రాములు, బొంపల్లి ప్రైమరీ పాఠశాల స్కూల్‌ చైర్మన్‌ టి.శ్రీనివాస్‌, వార్డు సభ్యుడు బోయిని శేఖర్‌. గ్రామ కో ఆప్షన్‌ సభ్యుడు నర్సింహారెడ్డి, గ్రామస్తులు గుడిసె సాయన్న, గుడిసె బాబు, చాకలి భాస్కర్‌, కుర్వ రమేశ్‌, విజరు, మంత్రి నర్సింహులు, చంద్రకంటి శ్రీనివాస్‌, రావుల శ్రీనివాస్‌ తదితరులు పాల్గొన్నారు.
