నవతెలంగాణ-రంగారెడ్డి ప్రతినిధి
టైగర్స్‌ కుంగ్‌ ఫు కరాటే స్పోర్ట్స్‌ అకాడమీ ఆధ్వర్యంలో యాదాద్రి భువనగిరి జిల్లా స్థాయి కుంగ్‌ ఫు బెల్ట్‌ గ్రేడింగ్‌ టెస్ట్‌ నిర్వహించారు. ఈ ఒక్క పోటీలకు వివిధ మండలాల నుంచి సుమారు 50 మంది విద్యార్థులు కరాటేలో పాల్గొన్నారు. ఈ పోటీలకు ముఖ్య అతిథిగా టైగర్స్‌ కుంగ్‌ ఫు రాష్ట్ర కార్యదర్శి మాస్టర్‌ మామిడాల శ్రీనివాస్‌ హాజరై పోటీలను ప్రారంభించారు. ఈ పోటీల్లో ఇబ్రహీంపట్నం మండల పరిధిలోని రాయపోల్‌ గ్రామానికి చెందిన అచ్చన శ్రీకాంత్‌, పల్లపు వరుణ్‌ కుమార్‌, ఖానాపురం వినరుకుమార్‌, మంకల అరవింద్‌, అచ్చన సాయి తేజ పాల్గొని బ్లాక్‌ బెల్ట్‌ సాధించారు. వీరు నాలుగేండ్లుగా కుంగ్‌ ఫు కోచ్‌ చేగురి లింగం వద్ద శిక్షణ తీసుకున్నారు. ఈ పోటీల్లో గెలుపొందిన విద్యార్థులకు బెల్ట్స్‌, ధ్రువపత్రాలను అందజేశారు. ఈ కార్యక్రమంలో విద్యార్థుల తల్లిదండ్రులు, టైగర్స్‌ కుంఫు జిల్లా ఆర్గనైజర్‌ చేగురి లింగం, ఇనిస్ట్రాక్టర్స్‌ జి.శ్రీకర్‌, జే.సందీప్‌, బుగ్గ సాయినాథ్‌, మొర్రి శివ, తదితరులు పాల్గొన్నారు.
